Sevenadur

Videyo de la vintiëme berouée de Sevenadur. Imaijes e montaije féts par nôtr volontère en serte de citouayen Zénaïde Hamon.

Dedpès pus de 20 ans de temp, le Cercl Celtiqe de Rene mene châqe anée l-s erterouées entr-lés-qhultures de Sevenadur entr Feverier e Mâr. Ét eun vrae rend’ous a parlever l-s eries qhutlurales point materièles. L-s erterouées-la font aqeneûtr lés qhultures perzentes den le payiz a tertous.
La Bertègn ét eun payiz q’a eune filomie forte e eune qhulture guerzillante. La qhulture-la q’ét avivandée de tradicions e pâssées a la vouéz, ét eune meniere de veqhi etout qi ressieud de richi e de s’anouviaozer.
Vene-la tout l’esprit d-s erterouées entr-lés-qhultures de Sevenadur, q’ét d‘aguerouer lés maintieunes qhultures du payiz e de yeus partaijer en periant le monde a veni aqeneûtr lés richesses-la : d-s estaijes, dés precheries, dés montreries, dés berouées d’echanje, d-s espectacls e dés boutées de féte !
Sevenadur, ét eun souéton de coteries de souétes ou d’etabllissements qi ne decesse point de crétr par-su Rene, qi bâtissent e ouvraijent de domë a concrayer dés berouées d’art riches, pllenes d’emeuverie, de qhultures e de bontë !

Erterouéz lés ghiments de Sevenadur su lés paijes Facebook, Twitter e su l’empllâ de teile.

L’anée-li, la 21ëme fai de Sevenadur sera menée du 24 de Feverier ao 14 de Mâr entour le téme de la qhezinerie !