Harpe celtiqe

Harpe Celtiqe

Freqence : és Mârdis e Merqherdis
Pour : Monde venûs e qeniaos
Ensègnou : Dimitri Boekhoorn

315€ l’anée + ensouétement
Aboute a l’amarerie SORTIR! / Payerie fezabl par Chèques-Vacances / Amenuzerie pour lés poussou·ouère·s
Haoper : Jean-Pierre Lemesle – 06 82 37 17 00

La pâssée-la ét menée pour lés sien·ëne·s q’enraient o la harpe meins etout és sien·ëne·s qi vouraent amieuzi lou teqniqe. 
Harpe celtiqe d’astoure (cordes nilon, bouyaos e carbone)
Harpe celtiqe anciëne e irlandaèze (cordes en meta)
La listée de senerie tradicionale bertonne ét le fondement du cai ensègnë.
N-i a pas afére d’avair poussë su le solfaije.

Vous pouréz aqeneûtr le pllezi de soner o d’aotrs sien·ëne·s a entrer den nôs boutiqes de senerie de domë.

Dimitri Boekhoorn, qi qe c’ét-ti ?

User comments

Zolandaez, doctou és Pousseries Celtiqes, il a të ensègnou en Haote-Ecole su la Qhulture Celtiqe e le berton, il ét titrë d’eune téze entr-lés-nacions su le bestière celtiqe ao Mouayen-Aije.

I sone dés sons tradicionaos dés payiz celtes (Irlande, Ecoce, Bertègn, Payiz de Gâles…), de la senerie anciëne (Mouayen-Aije, Renéssance, Baroqe), e le cai q’il a li compoz dedpès 1988 etout.

Il a aprinz le pus fot tout soul e il emplaye dedpès 1988 l-s ongnes parai côme lés “sonous de harpe irlandaez, ecoçaez e gâlouéz du Mouayen-Aije, su dés cordes en meta terjous. A aqeneûtr la teqniqe-la q’ét anciëne e tradicionale, ça q’a fét qi chanjit sa meniere de soner a reterouer une ghize pus lejiere, vite e miraodée. “

Terouéz pus fot de ghiments su s-n empllâ de teile !