Baçaderie

La baçaderie qhulturale se fét en mettant a jouer dés fezeries a fére aqeneûtr la qhulture bertonne ao Cercl Celtiqe de Rene e durant lés fezeries en-deho.

Par-su toutes lés fezeries-la, je bâtissons eune nouvéle imaije de la qhulture bertonne. Je sonjons qe nôtr erie det yètr pour n-s-aotr parai côme eun terrot de qheur pour mettr a nétr eune qhulture bertonne vioche e concrayante.

A vair l’eblucerie dés jens de la Rejion, la qhulture bertonne ét devenûe pus vilotaine su Rene par la baçaderie de maintieunes souétes ét berouées. A det ressieudr a parlever s-n erie materiele côme point materiele e a det prendr part a la vivetë de la Vile de Rene. La qhulture ét permier eune berouée de pllezi e de partaije qi concraye du lian entr lés citouayens. J’ons ilë, la devocion de montrer qe la qhulture bertonne a la capacitë d’ergrouper lés maintieuns ressents qhulturaos de Rene a yètr pour eun bout d’eun balant den la vile.

J’ons remerqë etout qe n-i avaet vrae afere de mettr lés jieunes ded Rene a aqeneûtr la qhulture bertonne : faot assûrer la rayée du ressent berton e parlever la capacitë a regrouper dés qhultures point parais entour eun endret de vie pour tertous su Rene, en Bertègn.

Le Cercl Celtique de Rene a chouézi un projet educatif e minz a jouer déz fezeries pour lés jieunes liées d’o l’esperance-la.

Aqeneûtr la qhulture d’ilë ne det point yètr eun lusqe meins eune obllije pour tertous lés citouayens.