Parlements

Komz-e-BZH

Berton

Pour le grand-monde – ao mardi 
135 uros l’anée + ensouétement
Garante de la boutiqe : Laure Bevout – 06 89 40 82 95

La boutiqe-la al ét menée assourfin de mettr lés apernant·e·s en berton a caozer le parlement entr-yeus o dés eqzercices d’ecririe, de lirie, meins etout dés caozeries den dés sairées a sujits en breton (fricot, rigedaos…). Le fét d’empllayer dés jeus (limérots, devinâilles…) ça fét qe la meniere d’aprendr ét pus haitante e q’il ét pus aezibl d’aprendr a caozer le parlement, surtout pour lés sien·ëne·s qisont a qemancer.

Lés pâssées sont fétes ao mardi ao sair den le Cercl Celtiqe de Rene dedpès 7o.

O Anton Aghèsse

Galo

Pour le grand-monde – ao jeûdi 
65 uros a l’anée + ensouétement
Garant de la boutiqe : Gérard Damour – 06 17 38 00 64

Menées d’aprés la nouvèle chemine pour aprendr féte o l’Institut du Galo, lés pâssées sont eune bône meniere de s’aroutiner d’o le galo den eun souéton cherissant, de pus en pus haot eyou qe d’aoqhun prend part. L’aboutement dés pâssées ét de mettr lés sien·ëne·s qi sont deden a empllayer le galo a caozer den le tous-lés-jous.
La boutiqe ét etout eune menier d’echanjer su berchôze de sujits de la berouée, ou su d’aotrs q’aront të chouézis. Lés pâssées i sont ouvërtes a tertous, és sien·ëne·s qi qemancent ou ben nennin.

Lés pâssées sont fétes ao jeûdi ao sair den le Cercl Celtiqe de Rene dedpès 7o.

Avec Anton Aghèsse