La livrerie

Berchôze de livrs, de gazettes… ao bada dés souétou·ouère·s.

Ao Cercl Celtiqe n-i a eune livrerie a-haot. L’ensouétement a l’anée fét abouter a la livrerie-la. N-i a qheuqes fais dés boutiqes den la livrerie qi empôzent le monde d’i aler.

Vous pouvéz i aqeneûtr maintieuns livrs (900) raport és abis, a la danse, l’istouére, l-s ecrivaijes, la broderie, dés contes, dés romans…

N-i a qheuqes livrs a lère su pllace (ét merqë dessu), l-s aotrs peuvent yètr empreuntës. L’empreunt d’eun livr pour 5 semeines de temp ao pus, i det yètr merqë den le cllâssou de prét. Le menou de la boutiqe va ensieute assûrer l’ertour du livr-la. lés livrs ne peuvent point yètr empreuntës durant lés laizis de la haote-sézon. I devent yètr rendus ao pus tard ao 1er de Juillète de méme.

Dés sairées d’erterouées o d’aotrs ecrivou·ouère·s sont menées par dés benvoulant·e·s de la livrerie durant l-s erterouées entr-lés-qhultures de Sevenadur.

La rolée dés livrs ét veyabl a tiqer su le lian-la.